أنا زهرة عيونك الوحيده.. وأنت غاليي الوحيد

[بنت العقيلات]

كلمات وكتابات لا تعبر...
دموع ودعاء هي اقصى ما املكه لك بذكراك..



زارني بمنامي .... وأألمني كثيرا



اشتقت لك يا يبى...
(( والدي الغالي)):118:


http://songs2.6arab.com/najwa-wadee3..we-keberna.ram

[سعود]

اختي الهودج

ذكرتيني بكلمات كتبتها عن والدي رحمه الله
الله يرحمهم جميعا
تحياتي اختي

[بنت العقيلات]

هلا ب سعود
حياك..
ورحم الله كل اموات المسلمين...





ارثيت والدي بكلمات بسيطه هنا لكن المعنى بقلوبنا....


:118:

[سعود]

الغالي ابن فندال:118:
رد في المقهى
على القصيدة اللي قلتها في ابوي



امانـه يـازمـن شــف هالرسـالـة فــي شراييـنـي=
قريت اعذب معانيها وحفظت اروع دفاترهـا
رسالـة مـن وهـج عـمـري تمـثّـل واقــع سنيـنـي=
زماني هو زماني والمواقف صعب اصوّرهـا
رسـالـة حبـرهـا دمـــي وصفحـتـهـا عنـاويـنـي=
جمعها لي ابوي وما قدرت احصي مشاعرها
ابـوي الـلـي زرع فــي داخـلـي روضــة بساتيـنـي=
يسوق الغيم من ريح الوفاء يسقيني ماطرها
اشوفـه ويـن مـا تـرسـي بــي الخـطـوة يخاويـنـي=
معي في كل خطوات السنين اللـي اسافرهـا
اشوفـه لـو طغـى وقـتـي حـضـر طيـفـه يواسيـنـي=
يشيل العبرة اللي تختنـق داخـل حناجرهـا
واشوفـه فـي العتيـم اقـبـل مـثـل صـبـحٍ يناديـنـي=
يوضح لي متاهات الزمن يفضح مخاطرهـا
واشوفـه فـي دفـا حلـمـي وفــي حـبـي وتكويـنـي=
واشوفه وين ما تجمع عيوني من سرايرهـا
واشوفـه صفـحـة بيـضـاء تـوضـا بــه دواويـنـي=
سلامة قلبه الطاهر على وجهـه بشايرهـا
واشوفـه صـرخـة تـمـلا قـلـوب الـنـاس وتحييـنـي=
له الله سمعة مثل النقـاء تسكـن منابرهـا
اشوفـه اختلـط مــع واقـعـي لـيـن اختـلـط فيـنـي=
مثل شمس الظهر كيف النظر يقدر يكاسرهـا
ابـوي وكـل مــا غــط الـذهـن جـانـي يصحيـنـي=
تذكرني به ايـامٍ سقتنـي مـن ضمايرهـا
امانـه كـل مـا يخـشـع شـعـوري ودمـعـت عيـنـي=
ابرفع كفي للمولى عسى روحـه يطهرهـا
عسـى ربــي يجـازيـه بـرضـى لـطـف ويجازيـنـي=
عساه بجنة الفردوس ينعـم فـي شعايرهـا
تجينـي روحـه بلحـظـة عـطـش عـمـري وتسقيـنـي=
ترد النفس للنشوى واضمه فـي محاجرهـا
يعانـق حلـمـي الــوردي ويسـكـن فــي شراييـنـي=
معي في كل خطوات العمر اصدق ضمايرهـا

ياحبي لك يابوي

[العمر لحظه]

رحم الله أمواتنا وأمواتكم جميعا" ...